Nigeriyada yuz bergan suv toshqini oqibatida qurbonlar soni ortib bormoqda

Nigeriyada yil davomida kuzatilayotgan kuchli yog‘ingarchilik ba’zi aholi vakillariga katta zarar keltirdi.

Mamlakat rasmiylarining aytishicha, bu yilgi suv toshqini qurbonlari soni 603 nafarga yetgan.

Rasmiylar suv toshqinlarini mamlakatdagi so‘nggi bir necha yil ichida sodir bo‘lgan eng yomoni deb atashgan.

So‘nggi o‘n yillikda mamlakat hududida g‘ayrioddiy kuchli yog‘ingarchilik va qo‘shni Kamerundagi Lagdo to‘g‘onidan suvning sizib chiqishi mamlakat ha aholi iqtisodiga katta zarar yetkazdi.

Hozirda mamlakat qutqaruv ishlari bilan shug‘ullanmoqda.