Dunyodagi eng katta raqamli fotokamera sinovdan o‘tdi: sham shu’lasini ming kilometrdan ko‘radi (foto)

Muhandislar dunyodagi eng katta raqamli fotokamerani sinovdan o'tkazishdi.

Qurilma 3200 megapikselli suratlar oladi. Bunchalik ulkan suratni siqmasdan aks ettirish uchun o‘ta yuqori tiniqlikdagi 4K teleekranlardan 378 tasi kerak.

Yangi kameraning yorug‘lik sezuvchanligi o‘ta yuqori: ming kilometrdagi sham shu’lasini ilg‘ay oladi. Mayda jismlargacha uning nazaridan qochib qutula olmaydi: stol tennisi koptokchasini 25 kilometrdan «ko‘radi».

Ushbu ajoyib kamera Chilidagi Vera Rubin observatoriyasida o‘rnatilayotgan 8,4 metrli teleskopning chin ma’noda yuragiga aylanadi.