Главная » 2023 » Май » 23 » Jalolov rossiyalik bokschining chaqiruviga javob qaytardi

---

17:33 Jalolov rossiyalik bokschining chaqiruviga javob qaytardi

Boks bo‘yicha ikki karra jahon chempioni, Tokio-2020 Olimpiadasi g‘olibi Bahodir Jalolov rossiyalik bokschi Mark Petrovskiyning chaqiruviga javob berdi.  Bahodir Jalolovning QALAMPIR.UZ'ga ma’lum qilishicha, Petrovskiyda jang qilish niyati bo‘lganda, u Toshkentda o‘tkazilgan Jahon chempionatiga kelgan bo‘lardi. “Ha, men u bilan sparring o‘tkazganman. Sparringda nimalar bo‘lganini Petrovskiy juda yaxshi biladi. Buni ortiqcha muhokama qilish shart emas. Agar u men bilan jang qilgisi kelgan bo‘lsa, Toshkentga kelgan bo‘lardi. U nega Toshkentga kelmadi? Balki qachondir Mark bilan to‘qnash kelib qolarmiz”, deydi Jalolov. Eslatib o‘tamiz, avvalroq Petrovskiy “Match TV”ga bergan intervyusida qachondir Jalolov bilan jang o‘tkazmoqchi ekanligini aytdi. U Jalolov bilan profringda ham, havaskor boksda ham jang qilmoqchi ekanligini ta’kidladi. Manba: "qalampir.uz"

1 2 3 4 5 Категория: Sport olami | | Теги: javob, Rossiya, Jalolov, chaqiruviga, Boks, qaytardi | Рейтинг: 0.0/0