Islom Karimovning Samarqanddagi xonadonida iftor dasturxoni yozildi

Bugun, 15 iyun kuni O‘zbekiston bo‘ylab Ramazon oyi munosabati bilan O‘zbekiston Respublikasi Birinchi Prezidenti Islom Karimov xotirasiga bag‘ishlab iftor dasturlari yozildi.

Shuningdek, Islom Karimov tug‘ilib, voyaga yetgan xonadonda el-yurt uchun iftorlik dasturxoni yozilib, marhum haqiga duolar qilindi.

Payariq tumanidagi Imom al-Buxoriy masjid majmuasida ham iftorlikka to‘planganlar Islom Karimovni xotirlashdi.

Eslatib o‘tamiz, avvalroq, O‘zbekiston Respublikasi Prezidenti Shavkat Mirziyoev Toshkent shahridagi "Navro‘z" restoranida tashkil qilingan iftorlik dasturxonida ishtirok etgani haqida xabar bergan edik.