Irina Sheyk ona bo‘ldi

Rossiyalik model Irina Sheyk ilk bora onalik baxtiga erishdi. Gollivudning mashhur aktyori Bredli Kuper va Irina Sheyk aslida 2 hafta avval ota-ona bo‘lishdi, ammo bu quvonchli xabar ommadan sir saqlangan edi.

Hozircha, yangi tug‘ilgan mehmonning jinsi oshkor qilinmayapti. Bredli Kuper va Irina Sheyk homiladorlik vaqtida ham farzandining jinsini ma’lum qilishni istamagandi. Nima bo‘lganda ham, yangi tug‘ilgan mehmonning umri uzoq bo‘lishini tilaymiz.

Eslatib o‘tish joizki, Irina Sheyk Bredli Kuperdan avval, bir necha yillar mobaynida mashhur futbolchi Krishtianu Ronaldu bilan uchrashar edi. Gollivud aktyori bilan Irina Sheykning munosabatlari 2015 yil aprel oyida boshlangan edi.

Durdona Rasulova