Dubayda nooadiy bino quriladi

Dubayning Znera Space arxitektura firmasi dunyodagi eng baland bino - Burj Xalifa atrofida Downtown Circle deb nomlanuvchi halqa shaklidagi ulkan inshootni o‘rnatish rejasini e'lon qildi.

Arxitektorlar Dubay markazi va Burj Xalifa atrofida aylanasi 3 km bo‘lgan ulkan halqa qurishni taklif qilishdi.  Znera Space arxitektura firmasining ikki rassomi Najmus Chovdhry va Nils Remess ushbu binoning dizaynini yaratdilar, ular ko'pincha ijtimoiy chegaralarni va atrof-muhit muammolarini o‘rganuvchi va hal qiluvchi eksperimental arxitekturaga e’tibor qaratadilar.

Znera Space, shuningdek, Downtown Circle loyihasining qurilishi haqida javob berdi. Kompaniyaning ta’kidlashicha, bu yagona mega-qurilish majmuasi bo‘ladi. Loyihaning maqsadi atrof-muhitga zarar yetkazmaslik uchun yuqori samarali shahar markazini yaratish bo‘ladi.

The National News nashrining yozishicha,bino kichikroq qismlarga bo‘linadi. Ushbu halqa ichida uylar, jamoat joylari, savdo joylari va madaniy joylar bo'ladi
 

Shahar markazida doira yaratish g‘oyasi pandemiya davrida paydo bo‘lgan. Bu g‘oya odamlarning shaharlardagi yashash tarzini va ko‘p qavatli binolarda yashash tarzini o‘zgartirishga qaratilgan edi.

Shuningdek, firma Skypark loyihasini ham qurishni rejalashtirmoqda. Uning ichida turli xil tabiiy manzaralar yaratish rejasi mavjud. Firmaning ta’kidlashicha, ushbu Skypark ichida turli xil o‘simliklar, qumtepalar, sharsharalar bo‘ladi.