Dublinda avtomobil 5 kishini bosib ketdi

Irlandiya poytaxti Dublin shahrida avtomobil urib yuborgan besh nafar odam va mashina haydovchisi shifoxonaga keltirildi. Bu haqda “Irish Times” gazetasi xabar berdi.

“Saab” rusumidagi yengil avtomobilning zarbidan tan jarohati olganlarning ikki nafari og‘ir ahvolda.

Ma’lumotlarga ko‘ra, ushbu yo‘l transport hodisasi yaqin orada sodir bo‘lgan avtohalokatlarning eng yirigi bo‘lib, voqea terakt sifatida baholanmagan.

Evropada transport vositalari yordamida terrorchilik harakatlarining ko‘plab sodir etilayotgani tufayli, har bir YTHning teraktga alokadorlikda gumon qilinishi odatga aylanib bormoqda.

Zohirshoh Jo‘raev