GM Uzbekistan to‘lov turlari haqida ma’lumot berdi

GM Uzbekistan AJ Facebook’dagi sahifasi orqali avtomobil narxini to‘lash turlari haqida ma’lumot berdi.

Jismoniy shaxslarga avtomobil yetkazib berish quyidagi tartibda amalga oshiriladi:

- naqd pul mablag‘larini bank tashkilotlari kassasiga topshirish yo‘li orqali;

- jismoniy shaxslarga tijorat banklari tomonidan avtomobilni xarid qilish uchun beriladigan iste’mol krediti hisobidan yoki jismoniy shaxslarning omonat (depozit) hisob raqamlaridagi mablag‘lardan pul o‘tkazish yo‘li orqali;

- faqatgina xaridor nomiga rasmiylashtirilgan jismoniy shaxsning plastik kartochkasi orqali.

Shuningdek, yuridik shaxslarga avtomobilni yetkazib berish quyidagicha shartlari quyidagicha:

- yuridik shaxslarning banklardagi depozit hisob raqamlaridan, pul mablag‘larini qonunda belgilangan tartibda pul o‘tkazish yo‘li orqali;

- tijorat banklari tomonidan yuridik shaxslarga yoki yakka tadbirkorlarga avtomobil xarid qilish uchun berilgan kredit hisobidan, ssuda hisob raqamlaridagi mablag‘lardan pul o‘tkazish yo‘li orqali.

Eslatib o‘tamiz, joriy yilning 1 iyun kunidan GM Uzbekistan AJ yengil avtomobillarning yangi narxlarini belgilangan edi. Endilikda har hafta AQSh dollarining so‘mga nisbatan qiymati o‘zgarishiga qarab GM Uzbekistan avtomobillari uchun belgilangan narxlar ham yangilanaveradi.

Bobur Jalolov