Olimlar inson hayotini bir necha yilga uzaytirish yo‘lini topdilar

Boston (AQSh)dagi Brigam ayollar shifoxonasi olimlarining tushuntirishicha, inson umr davomiyligini uzaytirish uchun qon bosimini nazorat qilish kerak. Bu haqda tadqiqot bilan tanishgan EurekAlert xabar berdi.

Tajribada qon bosimi 130 dan 180 gacha (mm simob ustuni) bo‘lgan yoshi 50 dan o‘tgan to‘qqiz mingdan ko‘proq inson ishtirok etdi. Odamlar ikki guruhga bo‘lindi va har biriga antigipertonik terapiya buyurildi. Birinchi guruhdagilarning qon bosimi 120 mm simob ustunida, ikkinchi guruhdagilarniki esa 140 mm simob ustunida ushlab turildi.

Tajriba shuni ko‘rsatadiki, qon bosimini nazorat qilish inson umr davomiyligini 6 oydan 3 yilga qadar uzaytiradi.