Yunusobodda kuchli ta’sir qiluvchi dori vositalarini sotgan shaxs qo‘lga olindi

Bosh prokuratura huzuridagi Departamentning Yunusobod tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda, fuqaro M.D. boshqa bir fuqaro A. ga 40 dona “Tropikamid” nomli kuchli ta’sir qiluvchi dori vositasini 5,6 mln so‘mga sotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 251-1-moddasi (kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.