Xorazmda IIB xodimi xizmat quroli orqali o‘z joniga qasd qildi

Xorazm viloyatining Yangiariq tumani IIB xodimi U.R. 26-noyabr kuni tuman IIB binosida xizmat quroli orqali o‘z joniga qasd qilgan.

Dastlabki ma’lumotlarga ko‘ra, U.R.ning o‘z joniga qasd qilishiga oilaviy kelishmovchilik oqibatida kelib chiqqan ruhiy siqilish sabab bo‘lgan.

Holat yuzasidan Yangiariq tuman prokuraturasi tomonidan tergovga qadar tekshiruv harakatlari olib borilmoqda.

“Tekshiruv viloyat prokuraturasi tomonidan nazoratga olingan”, – deyiladi xabarda.