WhatsApp global uzilishga duch keldi

Bugun, 25-oktyabr kuni Toshkent vaqti bilan soat 12:30 ga kelib butun dunyo bo‘ylab WhatsApp messenjeri ishlamay qoldi. Avvaliga foydalanuvchilar xabarlarni jo‘natish va qabul qilishda muammolarga duch kelishdi, keyin esa messenjerga ulanish imkoniyati yo‘qoldi

Turli mamlakatlarda xizmat bilan bog‘liq muammolar haqida xabarlar soni keskin oshdi. Masalan, ularning 183 mingdan ortig‘i Germaniyadan, 60 mingdan ortig‘i Buyuk Britaniyadan, qariyb 29 ming nafari Hindistondan, 9 mingga yaqini Indoneziyadan, 8 mingga yaqini Fransiyadan, 3,5 mingga yaqini AQShdan kelgan.

Shuningdek, rossiyalik foydalanuvchilar xabarlarni yuborishda muammolar haqida shikoyat qilishgan. Masalan, yetkazib berilganda ikkita tasdiq belgisi ko‘rinmaydi va qabul qiluvchi xabarni o‘qiyotganda ular ko‘k rangga aylanmaydi. Mobil ilovada ham, veb-versiyasida ham muammolar kuzatilmoqda. Xizmatga bevosita ulanish bilan bog‘liq muammolar ham mavjud.

Metaning OAVga xabar berishicha, ular muammodan xabardor va messenjerni qayta tiklash ustida ishlamoqda.