Shomurodov “Torino” bilan kelishuvga erishdi

O‘zbekiston milliy terma jamoasi sardori va Rimning "Roma" klubi a’zosi Eldor Shomurodov Turinning "Torino" klubi bilan kelishuvga erishdi. Bu haqda insayder Nikolas Skira o‘z Twitter sahifasida xabar berdi.

Ma’lum bo‘lishicha, 27 yoshli futbolchi "Torino" bilan shaxsiy shartnomaning barcha tafsilotlari bo‘yicha kelishib olgan va hozirda "Torino" va "Roma" transfer masalasida muzokara olib boryapti.

Shomurodovning rimliklar bilan amaldagi shartnomasi 2026 yil yozigacha mo‘ljallangan. U anchadan buyon "Roma"ni tark etish niyatida.

Ma’lumot uchun, "Transfermarkt" portali Shomurodovning transfer narxini 7 million yevroga baholamoqda.