Qozog‘istonlik xonanda dunyoning eng nufuzli musulmonlari ro‘yxatiga kiritildi

The Muslim 500 jurnalining yillik sonida Qozog‘iston prezidenti Qosim-Jomart Kemelevich Tokayev, Al-Azhar oliy imomi Shayx Ahmad at-Tayib kabi yirik nomlar qatorida ilk bor Dimash Kudaybergen nomi ham paydo bo‘ldi.

Nashr har yili musulmon olamiga sezilarli taʼsir koʻrsatadigan oʻzgarishlarni amalga oshirish uchun yetarli madaniy, mafkuraviy, moliyaviy, siyosiy yoki boshqa kuchga ega boʻlgan dunyodagi eng nufuzli 500 nafar musulmon nomini aniqlab beradi.

Dimash Xitoy, Rossiya, Dubay va vatani Qozog‘istonda katta qo‘shiqchilik mukofotlarini qo‘lga kiritib, mashhurlikka erishdi. U o‘z mamlakatida xayriya ishlari bilan tanilgan.