Qashqadaryoda o‘qituvchi o‘quvchini kaltakladi

Qashqadaryoda o‘qituvchi o‘quvchini urib, yengil jarohat yetkazgan. Holat Xalq ta'limi boshqarmasi mas'ullari hamda huquqni muhofaza qiluvchi organlar ishtirokida o'rganilmoqda.

Ma'lum bo'lishicha, 2022-yil 24-oktyabr kuni Koson tumanidagi maktabda faoliyat yurituvchi o‘qituvchi I.M. darsida maktab o‘quvchisi Q.B. ni urib yengil tan jarohati yetkazgan.

Holat yuzasidan Koson tuman IIB tomonidan surishtiruv ishlari olib borilib, fuqaro I.M. ga O‘zbekiston Respublikasi MJtKning 52-moddasi 2-qismiga asosan ma’muriy bayonnoma rasmiylashtirilib, chora ko‘rish uchun to‘plangan hujjatlar jinoyat ishlari bo‘yicha Koson tuman sudiga yuborilgan.