Главная » 2022 » Октябрь » 27 » Orlovdagi O‘zbekistonlik migrantlarga urushga chaqiruv qog‘ozi yuborilganiga izoh berildi
18:21

Orlovdagi O‘zbekistonlik migrantlarga urushga chaqiruv qog‘ozi yuborilganiga izoh berildi


Rossiyaning Orlov viloyatidagi “Ekositi” chiqindilarni qayta ishlash zavodida ishlayotgan O‘zbekiston fuqarolarining safarbarlikka chaqirilgani va chaqiruv qog‘ozii kelgani munosabati bilan O‘zbekistonning Rossiyadagi elchixona xodimlari “EkoSiti” kompaniyasi bosh direktori Yuriy Paraxin, uning o‘rinbosari Valeriy Okorovkov va respublika fuqarolari bilan bog‘landi. Bu haqda O‘zbekistonning Rossiyadagi elchixonasi maʼlum qildi.

Qayd etilishicha, 26 nafar O‘zbekiston fuqarosiga safarbarlik chaqiruvi texnik xato tufayli yuborilgan va hujjatlar harbiy komissariyatda tekshirilgandan so‘ng chaqiruv qog‘ozi qaytarib olinib, masala hal etilgan.

Bu maʼlumotni korxona rahbariyati va respublika fuqarolari tasdiqlagan.

“Qisman safarbarlik eʼlon qilingani munosabati bilan O‘zbekiston fuqarolari tomonidan texnik xatolar bo‘yicha chaqiruv qog‘ozlari olish holatlari mavjudligini maʼlum qilamiz. Odatda, barcha bunday hollarda safarbarlik chaqiruvi hujjatlar tekshirilgandan so‘ng qaytarib olinadi”, deyiladi elchixona xabarida.

Elchixona shunga o‘xshash vaziyatlarda O‘zbekistonning Vladivostok, Novosibirsk, Qozon, Yekaterinburg, Sankt-Peterburg, Rostov-na-Donu kabi joylardagi Bosh konsulligi yoki O‘zbekiston elchixonasining Moskvadagi konsullik bo‘limiga murojaat qilishni yoki harbiy komissarlik vakillariga amaldagi shaxsni tasdiqlovchi hujjat bilan mustaqil ravishda murojaat qilishni so‘ragan.

Eslatib o‘tamiz, Orlovdagi “EkoSiti” aksiyadorlik jamiyati chiqindilarni qayta ishlash korxonasi xodimlari safarbarlik uchun chaqiruv qog‘ozi olishgani haqida xabar berilgan edi. Tashqi mehnat migratsiyasi agentligi ushbu holat nazoratga olinganini va tashkilot rahbariyati hamda fuqarolar bilan aloqa o‘rnatilib, voqea joyiga yo‘l olinganini maʼlum qilgandi.

Manba: "xabardor.uz"
Категория: Fikr Mulohaza | | Теги: Orlovdagi, izoh, urushga, Chaqiruv, berildi, yuborilganiga, qog‘ozi, o‘zbekistonlik, migrantlarga | Рейтинг: 0.0/0

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя