Главная » 2022 » Ноябрь » 26 » Misrda oltin tilli mumiyolar topildi

---

19:08 Misrda oltin tilli mumiyolar topildi

Misr arxeologik missiyasi Menufiya gubernatorligidagi Quvaysna nekropolining oltin tilli mumiyolarga boy yangi qismini topdi. Bu haqda “Ahram Online” xabar berdi. Qadimiy ashyolar oliy kengashi bosh kotibi Mustafo Vaziriyga ko‘ra, oltin tilli mumiyolar yomon konservatsiya holatida. Missiya, shuningdek, loydan yasalgan idishlar, oltin choyshablar, qadimgi Misr, Ptolemey va Rim davrlariga oid ko‘plab dafn marosimlari uchun toshli tumorlar, yog‘ochdan yasalgan antropoid tobutlar hamda bir vaqtlar tobut yasashda foydalanilgan mis qoldiqlarini topgan. Ushbu topilmalar qadimgi qabrlarda uch oy davomida olib borilgan qazishmalar vaqtida aniqlangan. Misr qadimiy buyumlari sektori rahbari Ayman Ashmaviyning aytishicha, qadimiy qabrlarning yangi topilgan qismi o‘ziga xos meʼmoriy uslubga ega. “Bu qism g‘ishtdan yasalgan bo‘lib, uchta gumbazli dafn xonasi bo‘lgan asosiy gumbazli zal va ikkita yon xonali dafn shaxtasidan iborat. Dafn marosimi kolleksiyasi bo‘yicha dastlabki tadqiqotlar shuni ko‘rsatadiki, bu nekropol uch xil davrda ishlatilgan: qadimgi Misr, Ptolemey va Rim davrining bir qismi”, deydi u. Eslatib o‘tamiz, avvalroq Samarqanddan miloddan avvalgi III-II asrga oid harbiy istehkom topilgan edi.   Manba: "xabardor.uz"

1 2 3 4 5 Категория: Qiziqarli | | Теги: tilli, mumiyolar, topildi, Oltin, Misrda | Рейтинг: 0.0/0