“Jeyms Uebb” teleskopi kosmosda “qumsoat”ni suratga oldi

“Jeyms Uebb” teleskopi kosmosda “qumsoat”ni suratga oldi. Ushbu hosila toʻq sariq va koʻk rangli kosmik changdan iborat ikkita konussimon bulut boʻlib, yagona nuqtada birlashgan.

“Qumsoat”ning markazidan L1527 yulduzi joy olgan. U aylanadigan gazsimon diskning chetiga “yashiringan”.

Surat infraqizil diapazonda suratga olingan boʻlib, olimlar “qumsoatning koʻk qismi ingichka, toʻq sariq qismi esa qalinroq ekanligini aytib oʻtishgan.

“Qumsoat” markazidagi L1527 yulduzining yoshi 100 ming yildan katta (taqqoslash uchun, Quyoshning yoshi 4,6 milliard yilga teng).