Germaniyada vodorod bilan ishlaydigan temir yo‘l ishga tushirildi

Germaniya vodorod bilan ishlaydigan temir yo‘l liniyasini ishga tushirmoqda. Hozirda Fransiyaning “Alstom” injiniring kompaniyasi tomonidan ishlab chiqarilgan 14 ta “Coradia iLint” poyezdi mavjud. Bu poyezdlar Gamburg yaqinidagi shaharlarni bog‘laydigan 100 kilometrlik yo‘lda qatnaydigan teplovozlar o‘rnini egallaydi. Ishga tushirish 2022-yil 24-avgustda bo‘lib o‘tishi kerak.

Poyezdlar Fransiyaning “Coradia iLint” kompaniyasiga tegishli bo‘lsa ham, ularni yig‘ish Germaniyada amalga oshiriladi. Vodorod silindrlari va yonilg‘i xujayralari poyezdlarning tomiga o‘rnatiladi, bu yerda vodorod kislorod bilan o‘zaro ta’sirlashadi, natijada poyezdni harakatga keltirish uchun zarur bo‘lgan elektr energiyasi olinadi.

Loyiha bir necha o‘n million yevro miqdorida investisiyalarni jalb qildi. Bundan tashqari, ikki mamlakatda 80 ta ish o‘rni yaratildi, deb xabar beradi “Alstom”. Poyezdlarni tijoriy sinovdan o‘tkazish 2018-yildan boshlab ikkita vodorod poyezdi bo‘lgan liniyada o‘tkazib kelinmoqda. “Alstom” hozirgacha Germaniya, Fransiya va Italiya o‘rtasida bir necha o‘nlab poyezdlar uchun to‘rtta shartnoma imzoladi. Misol uchun, Germaniyada 2500 dan 3000 gacha dizel poyezdlarini vodorodli modellar bilan almashtirish mumkin.

Shuningdek, 2035-yilga kelib mintaqaviy Yevropa bozoridagi poyezdlarning 15-20 foizi vodorod bilan harakatlanishi kutilmoqda. Endi Yevropadagi har ikkinchi mintaqaviy poyezd dizel yoqilg‘isi bilan ishlaydi. “Alstom”dan tashqari boshqa kompaniyalar vodorod poyezdlarini ishlab chiqarishni rejalashtirmoqda. Misol uchun, Germaniyaning “Siemens” kompaniyasi allaqachon 2024-yilgacha o‘zining vodorod poyezdini ommaviy ishlab chiqarishni yo‘lga qo‘yishni rejalashtirgan.