Gari Nevill: “4-5 hafta oldin MYUni TOP-4ʼlik uchun daʼvogar deb boʻlmasdi”

“Manchester Yunayted” sobiq himoyachisi “qizil iblislar”ning hozirgi formasi haqida gapirdi.

“Manchester Yunayted” sobiq himoyachisi, hozirda Britaniya televideniyesi eksperti Gari Nevill APLning 14-turida “Vest Xem Yunayted”ni 1:0 hisobida magʻlub etgan “qizil iblislar”ning hozirgi formasi haqida gapirdi.

“Manchester Yunayted” mavsum oxirida qayerda yakunlanishi mumkin? Oʻylaymanki, endi ularda kuchli toʻrtlikka kirish uchun ajoyib imkoniyat bor.

“Chelsi”, “Liverpul” va “Tottenhem”da “Yunayted” ularni magʻlub eta olishini his qilish uchun yetarlicha qiyinchiliklar mavjud.

Toʻrt-besh hafta oldin esa men bunday deb oʻylamagan boʻlardim”, – deydi Nevill.

Eslatib oʻtish mumkin, 14-turdan soʻng “Manchester Yunayted” 23 ochko jamgʻarib, Angliya chempionati turnir jadvalida beshinchi oʻrinda bormoqda.