Dam olish kuni qanday ob-havo kuzatiladi? Yana yomg‘ir yog‘adimi?

Ayni damda O‘zbekistonning ko‘plab hududlarida ham yoz,yoz ham kuz havosi hukmronlik qilyapti. Bugun, 12 may kuni toshkentliklar tushgacha yomg‘ir bilan vaqt kechirishdi. Tushdan keyin havo birdan isidi.

Ertaga, 13 may kuni kuzatiladigan ob-havo ma’lumotlari bilan tanishish vaqti keldi.

Toshkentda havo harorati kechasi +18...+20, kunduzi +25...+27 daraja bo‘ladi. Shamol tezligi 7-12 m/s ga yetib, yomg‘ir yog‘ish ehtimoli bor.

Farg‘ona vodiysida havo kechasi +15...+20, kunduzi +25...+30 daraja bo‘ladi. Vaqti-vaqti bilan yomg‘ir yog‘adi.

Qoraqalpog‘iston Respublikasi, Xorazm, Sirdaryo, Jizzax va Samarqand viloyatlarida havo harorati kechasi +15...+20, kunduzi +25...+30 daraja bo‘ladi. 5-10 m/s tezlikda shamol esib yomg‘ir yog‘adi.

Buxoro, Navoiy, Surxondaryo va Qashqadaryo viloyatlarida havo kechasi +13...+18, kunduzi +25...+30 daraja bo‘lib, yomg‘ir yog‘ishi mumkin.

Sunnatilla Abdullaev