BMT: Yer aholisi 15-noyabr kuni 8 milliardga yetadi

BMT Yer aholisi noyabr oyi oʻrtalarida 8 milliard kishiga yetishini maʼlum qildi. Ekspertlar sayyoraning 8 milliardinchi fuqarosi 15-noyabr kuni dunyoga kelishini hisoblab chiqishgan.

Yer aholisi 1950-yildan beri 3 barobarga oshgan. BMT prognozlariga koʻra, 2030-yilga kelib Yer aholisi 8,5 milliard, 2050-yilga kelib, 9,7 milliard, 2080-yilga kelib esa 10,4 milliardga yetadi.

Taʼkidlash kerakki, 1960-yildan keyin aholi sonining oshish surʼatlari keskin pasaygan. 2020-yilda oʻsish surʼati 1 foizdan kam boʻlgan. Ushbu koʻrsatkich asr oʻrtalariga borib, 0,5 foizga tushishi kutilmoqda. Buning asosiy sababi tugʻilish koʻrsatkichining pasayishi hisoblanadi.