“Barsa”ning 1 milliard yevrolik futbolchilari soni yana bittaga ortadi

“Barselona” Aleks Balde uchun yangi shartnoma tayyorlamoqda.

Fabrisio Romanoning aytishicha, 19-yoshli himoyachining yangi shartnomasi 5 yilga moʻljallangan boʻladi.

Maoshlarni oshirishdan tashqari, kompensatsiya masalasi ham muhokama qilinmoqda.

Taxminlarga koʻra, ispaniyalik futbolchining tovon puli 1 milliard yevroni tashkil qiladi — Pedri, Gavi va Ferran Torresning kelishuvlarida ham shunday summa koʻrsatilgan.

Baldening klub bilan amaldagi shartnomasi 2024-yilning yoziga qadar tuzilgan.